معروف 29 سالہ افغان کرکٹر ٹریفک حادثے میں ہلاک

افغانستان کے ٹاپ آرڈر بلے باز نجیب تراکئی ٹریفک حادثے میں شدید زخمی ہو جانے کے بعد انتقال کر گئے ہیں۔
منگل کو افغانستان کرکٹ بورڈ نے ٹوئٹر اکاؤنٹ پر ان کی موت کی تصدیق کرتے ہوئے لکھا کہ ’اے سی بی اور افغانستان کرکٹ کی دلدادہ قوم اپنے جارحانہ بلے باز اور بہت اچھے انسان نجیب تراکئی کو کھو دینے کے دل توڑ دینے والے بڑے نقصان پر غمزدہ ہے۔ 20 سالہ نجیب تراکئی نے ایک المناک ٹریفک حادثے میں اپنی جان کھو دی جس سے ہم سب صدمے میں ہیں۔‘

 

خیال رہے کہ 29 سالہ افغان کرکٹر نجیب تراکئی تین روز قبل خوفناک ٹریفک حادثے میں شدید زخمی ہوگئے تھے جس کے بعد وہ 22 گھنٹے تک ہوش میں نہ آنے کی وجہ سے کوما میں چلے گئے تھے۔
افغاستان کرکٹ ٹیم کے اووپننگ بیٹسمین نجیب ترکئی نے ایک ون ڈے اور 12 ٹی ٹوینٹی انٹرنیشنل میں افغان ٹیم کی نمائندگی کی ہے جبکہ اُنہوں نے ٹی ٹوئٹی فارمیٹ میں 21 کی اوسط سے 258 رنز اسکور کیے ہوئے ہیں۔

اپنا تبصرہ بھیجیں